ازاي اعمل الكبدة الاسكندراني بدون ريحه زفارة ودة سر نجاح الكبدة الاسكندراني

بسم الله الرحمن الرحيم

ازاي اعمل الكبدة الاسكندراني 

اول حاجه عايزة اقولهلكم وهو ده سر نجاح الكبدة اننا مانغسلش الكبدة هتقولولي ليه وازاي . لاننا لما بنغسل الكبدة بتفقد قيمتها الغذائية كمان الكبدة بيكون فيها حاجه اسمها "بكتيريا نافعة " فاحنا لما بنغلسها بيحصل معانا حاجتين :

اولا : ضاعت القيمة الغذائية للكبدة 

ثانيا : بتشم ريحه زفارة في الكبدة 

المكونات :-  

شرائح فلفل حار او غير حار حسب الرغبة 

ثوم مقطع قطع صغيرة

ثوم مفروم و فلفل مفروم

 ملعقة كزبرة ناشفة 

ملح + كمون 

ليمونة 

ازاي اعمل الكبدة الاسكندراني (طريقه غسل الكبدة )

هنجيب مصفاة ونحط فيها الكبدة ونحط عليها معلقتين خل وثوم مفروم وكسبرة ناشفه وكمون وفلفل مفروم

ونسيبها ساعه علي الاقل لما تنزل الدم اللي فيها

طريقه الكبدة الاسكندراني

١-  هنجيب طاسة ونحط فيها ربع كوب زيت مقدوح (تم تسخينة علي النار) ثم نضع الكبدة وتقلبها لمدة دقيقتين

   ٢-  ثم نضع عليها شرائح الفلف الصغيرة ونقلبها لمدة دقيقتين 

٣-  ثم نضع شرائح الثوم الصغيرة عليها . ومعها ملعقة كزبرة ناشفة 

بعد كل هذا نقلبها لمدة دقيقتين  وبعد ذلك نضع ثوم مفروم وفلفل مفروم ثم نهدأ النار لمدة ١٠ دقائق وبعد ذلك نقوم بوضع الملح والكمون وملعقتان من الخل ونقلبها لمدة ٣٠ ثانية وبعد كل هذا نتركها لتبرد 

وبعد ذلك تقوم بعصر الليمون وهذا الاختيار ليس اجباري بل من اختيارك ان كنت تحب عليها الليمون او لا تحبه .

اتمني تكون طريقة سهله وان شاء الله هتعجبكم الوصفة والطعم وتابعوا معايا كل جديد وممكن لو فيه اي سؤوال اكتبوه في الكومنتات 

وانا هرد عليكم ولو فيه طلب وصفه معينة برده اكتبوه في الكومنتات وانا هبعتلكم الطريقة